Manne sums aihta twans sununs;
jah qath sa juhiza ize du attin: atta, gif mis sei undrinnai mik dail aiginis;
jah disdailida im swes sein.
Jah afar ni managans dagans, brahta samana allata sa juhiza sunus, jah
aflaith in land fairra wisando, jah jainar, distahida thata swes seinata libands
usstiuriba.
Bithe than frawas allamma, warth huhrus abrs and gawi jainata. Jah is
dugann alatharba wairthan,
jah gaggands gahaftida sik sumamma baurgjane jainis gaujis, jah
insandida ina haithjos seinaizos haldan sweina.
Jah gairnida sad itan haurne, thoei matidedun sweina, jah manna imma ni
gaf.
Qimands than in sis qath: hwan filu asnje attins meinis ufarassau haband
hlaibe, ith ik huhrau fraqistna!